БА МАБЛАҒИ 37 МЛН. ДОЛЛАР КОРҲО АНҶОМ ЁФТ

Душанбе, 17 феврал. (АМИТ «Ховар», Лаззат Диловарзод).- Бино ба гуфти вазири мелиоратсия ва захираҳои оби ҷумҳурӣ Саид Ёқубзод, аз ҷониби 5 марказҳои татбиқи лоиҳаҳои инвеститсионии назди вазорати мазкур ба маблағи 37,6 млн. доллари амрикоӣ корҳо анҷом дода шуданд. Оид ба таъмини иҷрои қарори Ҳукумати ҷумҳурӣ аз 2 – юми декабри соли 2006 нисбат ба «Барномаи беҳтар намудани таъмини аҳолии Ҷумҳурии Тоҷикистон бо оби тозаи нӯшокӣ барои солҳои 2008 — 2020» аз ҷониби муассисаи давлатии «Сарраёсати Тоҷикдеҳот» ва дигар лоиҳаҳои амалишаванда, корҳои барқарорсозӣ, азнавсозии шабакаҳои таминоти оби нӯшокӣ ба маблағи 14,2 млн. сомонӣ ба анҷом расонида шудааст.