БОЗГАШТИ РАСУЛ БОҚИЕВ
Душанбе, 4 феврал. (АМИТ «Ховар», Пайрав Назаров). — Варзишгари маъруфи тоҷик, гӯштингири дзюдочӣ, барандаи ҷоизаи биринҷии Бозиҳои олимпии Пекин Расул Боқиев аз Русия ба Тоҷикистон баргашт ва узви дастаи мунтахаби Тоҷикистон гардид. Мухбири АМИТ «Ховар» хабар медиҳад, ки ба ин муносибат 3 феврал дар Кумитаи миллии олимпии ҷумҳурӣ бо иштироки Р. Боқиев ва мураббии он Владимир Елчанинов нишасти матбуотӣ баргузор гардид. Дар фарҷоми нишасти матбуотӣ байни Расул Боқиев ва Владимир Елчанинов қарордоди ҳамкорӣ имзо карда шуд. Тибқи қарордод Кумитаи миллии олимпии Тоҷикистон ва сарпарасти расмии он — Ширкати алюминии мамлакат ба Расул Боқиев ва мураббиаш барои омодагӣ ба мусобиқаҳои байналхалқӣ кӯмаки моддию техникӣ мерасонанд. Р.Боқиев ният дорад, ки дар бозиҳои имсолаи мамлакатҳои Осиё ва бозиҳои олимпии Лондон дар соли 2012 ширкат варзад. Ёдовар мешавем, ки Расул Боқиев соли 2009 аз Тоҷикистон ба Русия рафта, шаҳрванди ин мамлакат гардида буд.
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
Имрӯз дар водиҳои Тоҷикистон чангу ғубор ба амал меояд
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
