ЧОРАБИНИҲО БАХШИДА БА ТАЪСИСЁБИИ ҚУВВАҲОИ МУСАЛЛАҲ

Душанбе, 18 феврал. (АМИТ «Ховар», Ибодат Давлатова). — Бо мақсади тақвияти ҳисси ватанпарастӣ, ташаккули маҳорати ҷисмонӣ ва дар асоси   Барномаи давлатии «Тарбияи ватанпарастии Ҷавонони Тоҷикистон барои солҳои 2006-2010», бо ташаббуси Кумитаи ҷавонон, варзиш ва сайёҳии назди Ҳукумати ҶТ дар ҷумҳурӣ як қатор чорабиниҳо гузаронида мешаванд.             Тавре аз маркази матбуоти Кумитаи мазкур иттилоъ доданд, бахшида ба таъсисёбии Қувваҳои Мусаллаҳ 25 феврали соли равон дар Бошгоҳи ҷумҳуриявии Ташкилоти мададгори мудофиаи ҶТ миёни сарбозон ва ҷавонони синну соли даъватӣ мусобиқаи ҳарбӣ-варзишии «Ҳомии Ватан» гузаронида мешавад.             Инчунин, бахшида ба ин чорабинӣ аз 23 то 27 феврал экскурсияҳои хонандагони макотиби таҳсилоти умумӣ ба қисмҳои низомии вазорату идораҳои қудратӣ гузаронида мешаванд.