ИҶРОИ НАҚШАИ БУҶЕТИ ДАВЛАТӢ

Душанбе, 26  феврал. (АМИТ «Ховар»,  Покиза  Маҳмадбекова). —  Аз  рӯи  маълумоти  Вазорати  молияи  ҷумҳурӣ  ҳаҷми  умумии  буҷети  давлатии  мамлакат  дар  моҳи  январи соли равон  361,4  миллион  сомониро  ташкил  дод, ки ин  ба  31,2  фоизи  Маҳсулоти  умумии   дохилии  кишвар  баробар  мебошад. Моҳи  январи  соли  2009  маблағи  буҷети  давлатӣ  5542,8  милион  сомонӣ  буд,  ин  99,7  фоизи   нақшаи   аниқшудаи  солона  ва  26,9   фоизи  ҳаҷми  Маҳсулоти  умумии  дохилии  мамлакатро ташкил  медод. Маблағи  воридоти  андоз  соли  2009 3  миллиарду  646,1   миллион  сомонӣ  буда,  нисбат ба  соли 2008- ум  347,9  миллион  сомонӣ  афзуд.  Саҳми  воридоти  андоз  дар ҳаҷми  умумии   даромади буҷет  соли  2009 –ум  65,8  фоизро ташкил  дода, ба 98,7  фоизи  нақшаи   аниқшудаи  солона  баробар  буд.  Воридоти  андози  даромад  ва  андози  фоида дар  соли  2009 нисбат ба  соли  2008 – ум 154,8  миллион  сомонӣ, андози  аксиз  17 миллион  сомонӣ  афзуда,   андози  арзиши  изофа  3 миллион  сомонӣ  кам  гардид. Маблағи  воридоти  ғайриандоз  дар  ҳаҷми  умумии  даромад 3,9  фоиз ё 213,9   миллион  сомониро  ташкил  дода,  нисбат ба  соли 2008 – ум  65,3  миллион  сомонӣ   зиёд  карда шуд.