ОВОЗХОНИ ҶАВОНИ ТОҶИК БА ИТАЛИЯ МЕРАВАД

Душанбе, 19 феврал. (АМИТ «Ховар»,  Таҳмина  Ғоибназарова). —  Аз  21  то  25  апрели  соли равон  дар  шаҳри  Сан – Ремои  Италия  озмуни  байналмилалии  овозхонони  наврас  баргузор  мегардад. Ба  ин  озмун  овозхони  12 – солаи   тоҷик   Шоҳрух  Юнусов  низ  даъват  шудааст. Ш.Юнусов  дар  озмуни  мазкур  ду  сурудро  иҷро  хоҳад  кард.  Яке  аз  ин  сурудҳо ба  забони  итолиёӣ  буда,   суруди  дигар  «Республикаи  ман»  ном  дорад. Бояд  гуфт, ки  Ш. Юнусов ҳар  дуи  ин  сурудҳоро  дар  озмунҳои  дигари  минтақавию  байналхалқӣ  иҷро  намуда,  соҳиби  ҷоизаҳо  гардидааст. Ӯ, аз  ҷумла соли  2008   дар  озмуни  байналмилалии  овозхонони  навраси  «Донак»  ширкат  варзида,   соҳиби  ҷоизаи  асосии он  шуда буд. Ҳамон  сол  Ш.Юнусов   дар  шаҳри  Хуҷанд  дар  озмуни  «Русская  песня»  ширкат  варзида,  ғолиби он  гардид.  Озмуни  мазкурро  Консулхонаи  генералии  Русия  ташкил  карда буд.