РУШДИ СОҲАИ КИШОВАРЗӢ

Ваҳдат, 15 феврал. (АМИТ »Ховар» Зебо Давлатова). — Сардори раёсати кишоварзии шаҳри Ваҳдат, Ҷамолиддин Сафаров ба хабарнигори Амит»Ховар оид ба соҳаи кишоварзӣ чунин иттилоъ дод, оқилона ва самаранок истифода бурдани замин имконият дод,ки хоҷагидорон ба маблағи 354 млн 512 ҳазор сомонӣ маҳсулоти умумии кишоварзӣ истеҳсол намоянд.Ин муқоиса ба давраи соли 2008 13,2млн сомонӣ зиёд буда,афзоиши он ба 3,9 фоизро ташкил медиҳад.Аз ҷумла ҳаҷми умумии маҳсулоти соҳаи растанипарварӣ 259 ва чорводорӣ 95,8млн-ро ташкил медиҳад.Самаранок истифода бурдани замин имконият дод,ки ҳаҷми истеҳсоли маҳсулоти умумӣ зиёд ва буҷаи маҳаллӣ афзун гардад.Истифодабарии замин дар хоҷагиҳои инфиродӣ ва наздиҳавлигии аҳолӣ хуб ба роҳ монда шудааст ва аксарияти онҳо кишти такрориро хуб ба роҳмондаанд.Дар ҳамаи сохторҳои хоҷагидорӣ дар майдони 17643 гектар,аз ҷумла дар майдони 10187 гектар зироатҳои ғалладонагӣ,906 гектар  пахта, 925   гектар картошка, 2047 гектар зироатҳои полизӣ,175 гектар зағер,22 гектар тухми сабзавот ва дар майдони 2553 гектар хӯроки чорво кишт карда шуд.Аз майдони 7954 гектар кишти зироатҳои ғалладонагӣ ва лӯбиёгӣ 26726 тона ғалладона ҷамъоварӣ карда шуд, ки  ба як гектар 33,6 сентнерӣ роят меояд ва нисбат ба ҳамин давраи соли гузашта 6,4 сентнерӣ зиёд мебошад. Ҷамолиддин Сафаров афзуд ,ки хоҷагиҳои»Файзи Ваҳдат», »А,Кенҷаев», «Ленин», Ассосиатсияҳои хоҷагиҳои деҳқонии «Саховат» ва «Намуна- 2005» аз ҳар гектар ба ҳисоби миёна 51,8 то 40 сентнерӣ ҳосил ба даст оварданд, ки  нисбати  нишондиҳандаҳои соли гузашта зиёд мебошад.