СӮҲБАТИ Р.ХОЛБРУК БО ХАБАРНИГОРОН
Душанбе, 22 феврал. (АМИТ «Ховар», Фарангис Раҳимова). — Намояндаи махсуси ИМА дар Афғонистон ва Покистон Ричард Холбрук 20 феврал баъди мулоқоташ бо Президенти Ҷумҳурии Тоҷикистон Эмомалӣ Раҳмон сӯҳбати мухтасар анҷом дод. Вай зикр намуд, ки бо Президент вазъияти Афғонистон ва нақши Тоҷикистонро дар бобати ба эътидол овардани вазъият ва барқарор сохтани иқтисодиёти ин мамлакат, ҳамкории мамлакатҳои минтақа дар соҳаи энергетика ва ғайраро муҳокима кардааст. Р.Холбрук махсус таъкид намуд, ки Тоҷикистон дар масъалаи таъмини вазъияти босуботи Афғонистон нақши муҳим бозида метавонад. Меҳмон изҳор намуд, ки ӯ дар давоми шаш моҳи охир бори сеюм бо Президенти Тоҷикистон мулоқот мекунад. Зимни сӯҳбат бо Президенти Тоҷикистон инчунин масъалаҳои сохтмони кӯпруки нав дар байни Тоҷикистон Афғонистон, сохтмони хати баландшиддати интиқоли қувваи барқ аз Тоҷикистон ба Афғонистон ва проблемаҳои обу энергетика муҳокима шуданд. Ба қавли Р.Холбрук терроризми байналмилалӣ дар шароити имрӯза ба тамоми мамлакатҳои Осиёи Марказӣ таҳдид менамояд. Бинобар ин ҳамаи мамлакатҳои ҷаҳон даъват карда мешаванд, ки дар мубориза ба муқобили терроризми байналхалқӣ муттаҳид гарданд.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
