БОБОИ САЛМОН ВАФОТ КАРД

Душанбе,  29 март. (АМИТ «Ховар», Наталя  Михайлова). —  Субҳи  имрӯз падари  яке аз қумондонони фронти  халқӣ  Лангари  Лангариев – Салмон  Лангариев  дар сини 84 — солагӣ  вафот  кард. Бояд  гуфт, ки  Л.Лангариев   соли  1993  дар  ҷараёни  муноқишаҳои  мусаллаҳона  кушта  шуда буд.  Фарзандони  хурдии Бобои  Салмон  — Сӯҳроб, Файзалӣ ва  Бахтиёр  моҳи  майи  соли  2008  барои ғайриқонунӣ  нигоҳ  доштани  аслиҳаи  оташфишон  ва  хариду  фурӯши  маводи нашъадор бо  маблағи  махсусан  калон, инчунин  муқобилати  мусаллаҳона  ба  намояндагони  мақомоти ҳукуматӣ  аз  ҷониби  кормандони  милиса  дастгир  шуда,  бо  ҳукми  Суди  олӣ  ба  ҳабси  якумрӣ  маҳкум  шуда буданд.