МАРКАЗ АЗ НАВ ЭҲЁ МЕГАРДАД

Душанбе, 15 март. (АМИТ «Ховар», Лаззат Диловарзод).- Бино ба гуфти директори  Маркази иҷтимоӣ — эҳёкунии ҷамъияти нобиноёни Тоҷикистон дар шаҳри Қӯрғонтеппа Умар Ёров, бо кӯмаки Ҳукумати Ҷопон барои аз нав эҳё намудани маркази мазкур 74, 312 доллари амрикоӣ ҷудо карда шудааст. Боис ба ёдоварист, ки Маркази иҷтимоӣ — эҳёкунии ҷамъияти нобиноёни Тоҷикистон дар  шаҳри Қӯрғонтеппа ҳанӯз соли 1957 таъсис ёфта буд ва дар он 300 нафар нобиноён кор мекарданд. Мутаассифона, бо оғози ҷанги шаҳрвандӣ иншооти асосӣ хароб гардида, шумораи коргарон то 37 нафар коҳиш ёфт. Акнун бо кӯмаки давлати Ҷопон ин корхона аз нав эҳё карда шуда, барои 112 нафар шахсони дорои ноқиси узви босира  ҷойи нави  корӣ муҳайё карда мешавад.