ПАХТАИ ФАРХОР ПУРРА КОРКАРД МЕШАВАД

Душанбе,19 март. (АМИТ «Ховар», Лаззат Диловарзод).- Бино ба иттилои раиси дастгоҳи ноҳияи Фархор 700 нафар сокинони ноҳия ба кори доимӣ таъмин мегарданд. Дар ноҳия корхонаи нави бофандагӣ ба кор оғоз кард, ки он дар солҳои   наздик тамоми пахтаи истеҳсолшударо пурра коркард мекунад. Бо кушодашавии корхонаи нав 200 нафар сокинони маҳаллӣ ба кори доимӣ таъмин шуданд. То ин вақт дар ноҳия як корхонаи ресандагӣ фаъолият дошт, ки дар солҳои 1995 – 96  мавриди баҳрабардорӣ қарор ёфта буд. Мардуми ноҳия онро корхонаи «Файз» ном мебурданд. Он дар як сол то 100 – 150 тонна пахтаро коркард менамуд. Барои мардуме, ки 10 ҳазор нафараш дар муҳоҷирати меҳнатӣ қарор дорад,  зарурати сохтмони чунин корхона пайдо шуд. Ба гуфти мутахассисон  дар сурати дар се баст фаъолият доштани корхона, нафақат пахтаи истеҳсолшудаи ноҳияи Фархор, балки пахтаи ноҳияҳои ҳамсоя низ коркард  карда мешавад.