ПРОБЛЕМАҲОИ ХУРДИ ИНШООТИ БУЗУРГ

Душанбе, 2 март. (АМИТ «Ховар», Мавзуна Бойева).  — Сафири кабири Ҷумҳурии Фаронса дар Тоҷикистон ҷаноби Анри Сиппер де Фабианӣ барои аз наздик шинос шудан бо рафти корҳои сохтмонӣ ва дидани шароити кори мутахассисон ба майдончаи сохтмонии терминали нави фурудгоҳи байналмилалии Душанбе омад. Тавре аз маркази матбуоти КВД «Фурудгоҳи байналмилалии Душанбе» ба мухбири АМИТ «Ховар» иттилоъ доанд, дар майдончаи сохтмонӣ мутахассисони тоҷик ва фаронсавӣ аз рафти корҳои иҷрошуда ва нақшаҳои оянда дар ҳузури сафир машварат карданд. Ҷаноби сафир дар машварати корие, ки доир гардид иброз дошт, ки ҷониби Фаронса тамоми қувваро ба он равона менамояд, ки иншооти ҷашнӣ дар мўҳлати муайяншуда ба истифода дода шавад. Ба саволи мо нисбати баъзе мушкилоти пешомада аз қабили таҳияи ҳуҷҷатҳои расмӣ ва корӣ Ҷаноби Фабиани гуфт, ин мушкилиҳои хурди иншооти бузурганд, ки зуд ҳал хоҳанд шуд. Ҷаноби Фабиани иброз дошт, ки минбаъд ҳар рўзи душанбе бевосита аз рафти корҳои сохтмонии терминали нави фурудгоҳи Душанбе хабар мегирад.