«РОҒУН» БУНЁД МЕШАВАД

Душанбе, 1 март. (АМИТ «Ховар», Лаззат Диловазод).- Нерӯгоҳи барқи обии «Роғун» нафақат барои Тоҷикистон, балки барои тамоми минтақа аз аҳамият холӣ нест,   Бо   бунёди он ҳазорҳо гектар боғу роғ, заминҳои бекорхобида ва чарогоҳу даштҳои ташналаб  бо об, хонаи ҳар як тоҷикистонию ҳамсоядавлатҳо  бо барқи арзонтарин таъмин гардида, сабаби бавуҷудоии корхонаҳои азими замонавӣ дар ҷумҳурӣ низ мегардад. Аз ҳама муҳим,  истиқлолияти энергетикиро  дар кишвар таъмин хоҳад кард, — мегӯяд муҳандис – барқсози Вазорати энергетика ва саноат Муҳаммадӣ Юсуфҷонов. Ёдовар мешавем, ки иқтидори лоиҳавии НБО – и «Роғун» 3 600 мегаватт буда аз 6 агрегат иборат аст. Дар сурати сохта ба истифода дода шудан, истеҳсоли солонаи қувваи барқи нерӯгоҳи мазкур 13, 1 млрд. кВт соатро ташкил медиҳад.  «Роғун» иншооти тақдирсоз аст, ки  бо нангу номус ва ақлу заковати мардуми Тоҷикистон сохта хоҳад шуд.