САГҲО 5 КГ ГЕРОИН ЁФТАНД

Душанбе,  10 март. (АМИТ «Ховар», Наталя  Михайлова). —  Кормандони  Агентии  назорати  маводи  нашъадори  назди  Президенти  ҷумҳурӣ 8  март шӯъбаи  бағоҷнигоҳдории  фурудгоҳи шаҳри  Душанберо   бо  кӯмаки сагҳои  махсус  машқдодашуда  тафтиш  намуданд. Дар  ҷараёни  тафтиш  ду  ҷомадон  мусодира  карда шуд.  Дар  ҷомадонҳои  мазкур  қариб  5  килограмм   моддаи  нашъадори  героин  пинҳон  карда шуда буд.  Маводи  нашъадор  бо  кӯмаки  сагҳои бӯгир  ошкор   карда шуд. Мухбири  АМИТ «Ховар»  хабар  медиҳад, ки  аз  рӯи  ин  воқеа  парвандаи  ҷиноӣ  кушода  шуд ва  барои   муқаррар намудану  дастгир  кардани  соҳибони  ҷомадонҳои  мусодирашуда  тадбирҳо  андешида  мешаванд.