СЕ НАФАР ДАР ЗЕРИ ТАРМА МОНДАНД

Душанбе, 3 март. (АМИТ «Ховар», Жасмин Назарова). – Тавре ба хабарнигори  АМИТ «Ховар» аз дафтари матбуоти Вазорати корҳои дохилии ҶТ иттилоъ доданд, 2 марти соли равон ноболиғ Навбаҳори Маликбек, соли таваллудаш 1996 истиқоматкунандаи ноҳияи Ишкошим, қишлоқи Гармчашма, хонандаи синфи 8 мактаби таҳсилоти умумии рақами 35 ҳангоми фаромадани тарма дар қишлоқи мазкур дар зери он мондааст. Дар натиҷа ҷароҳати вазнини ҷисмонӣ бардошта дар беморхонаи минтақавии ҷамоати деҳотии Дарморахти ноҳияи Шуғнон вафот мекунад. Ҳамзамон дар мавзеи Гумбаки ҷамоати деҳоти Ванқалъа шаҳрванд Мусайрӣ Сафармамадов, соли таваллудаш 1976 ва ҳамсараш Мадина Қурбонҷонова, соли таваллудаш 1983 сокинони ноҳияи Шуғнон қишлоқи Патхор инчунин дар зери тарма монда дар ҷои ҳодиса ба ҳалокат мерасанд.