АЗ РАШК ЗАНИ ХУДРО КУШТ

Душанбе, 27 апрел. (АМИТ «Ховар», Жасмин Назарова). – Тибқи иттилои дафтари матбуоти Вазорати корҳои дохилии ҶТ, дар ҳудуди шаҳри Роғун як далели куштор ба қайд гирифта шуд. Рӯзи 24 апрели соли равон шаҳрванд Маъруф Мирзоев, соли таваллудаш 1986, сокини шаҳри Роғун, дар натиҷаи муноқишаи оилавӣ бо завҷааш Зӯҳро Иброҳимова, соли таваллудаш 1988, бо санги варзиши, ки вазнаш 8 кг мебошад ба сараш мезанад. Дар натиҷа З. Иброҳимова аз пой афтида дар ҷои ҳодиса ба ҳалокат мерасад. Дар вақти тафтишот маълум гашт, ки муноқиша за сабаби рашк, сар задааст. Нисбати ин далел парвандаи ҷиноӣ оғоз шуда, тафтишот идома дорад.