БО САРМОЯИ НИСБАТАН КАМТАР ТАЪСИС ДОДАНИ БОНКҲО ДАР ВИЛОЯТУ МИНТАҚАҲО

Душанбе. 24 апрел. (АМИТ «Ховар», Покиза Маҳмадбекова). – «Дар пешбурди сиёсати пулӣ, нигоҳ доштани сатҳи тавварум ва таъмини устувории қобилияти харидории пули миллӣ масъалаҳои баланд бардоштани масъулияти бонкҳо ва ташкилотҳои қарзии ғайрибонкӣ, зиёд намудани сармояи онҳо, ҷалби инвеститсия ва истифодаи он барои рушди бахши воқеии иқтисодиёт аҳамияти муҳим дорад», — гуфт Президенти Ҷумҳурии Тоҷикистон дар паёми солонаи худ ба Маҷлиси Олии Ҷумҳурии Тоҷикистон.  Инчунин Сарвари давлат ба Бонки миллӣ, бонкҳои тиҷоратӣ ва ташкилотҳои қарзии ғарибонкро  вазифадор намуд, ки оид ба ҷалби маблағҳои пулли аз гардиши бонкӣ беруномада то 20 фоиз зиёд намудани ҳаҷми қарздиҳӣ барои рушди соҳибкории истеҳсолӣ ва хусусан дастгирии соҳибкории хурду миёна дар ноҳияҳои дурдаст кӯҳистон, ки яке аз манбаҳои ташкили ҷойҳои нави корӣ мебошад, инчунин таҷдиди назар кардан дар масъалаи фоизи қарзҳо чораҳои мушаххас андешанд.  «Роҳи дигари зиёд намудани дастрасии мардум бо захираҳои карзӣ ва хизматрасониҳои бонкӣ таъсиси бонкҳо дар минтақаҳо мебошад. Ба ҳамагон маълум аст, ки 90 фоизи мардум берун аз пойтахт зиндагӣ мекунанд ва барои дигар шаҳру ноҳияҳо, махсусан соҳибкорони ноҳияҳои дурдаст имконияти гирифтани қарзҳои нисбатан калон маҳдуд аст». Зикр дошт Э. Рахмон. Ҳамчунин ба Бонки Миллӣ тавсия дода шуд, ки масъалаи бо сармояи нисбатан камтар таъсис додани бонкҳҳоеро, ки танҳо дар ҳудуди як вилоят ё минтақа фаъолият мекунанд, баррасӣ намояд.