БОЗ ЯК ТОҶИКИ РЕКОРДСМЕН

Душанбе, 16 апрел. (АМИТ «Ховар», Лаззат Диловарзод).- Рӯзномаҳои Федератсияи Русия ва сайтҳои интернетии он ба як тоҷики «рекордсмен» таваҷҷӯҳ кардаанд. Онҳо дар бораи пиёда аз шаҳри Рязан то  ба Душанбе сафар намудани Алексей Авғонови тоҷик борҳост, ки хабар медиҳанд. Рӯзномаи «Спорт» — и  шаҳри Рязан дар саҳифаи   «Мардҳои наҷиб» номи шаҳрванди Тоҷикистон, ки алҳол истиқоматкунандаи шаҳри Рязан аст навиштааст:   Алексей Авғонов ба рекордҳои Гиннес дохил шуданист.  Ёдовар мешавем, ки Алексей Авғонов 27 – уми  март пиёда роҳи Рязан  — Душанберо пеш гирифт ва умед дорад рӯзи 9 – уми сентябри соли ҷорӣ,  дар рӯзи 19 – солагии Истиқлолияти ҷумҳурӣ   вориди Душанбе гардад. Ба гуфти Алексей Авғонов, ӯ ин рекордро ба муносибати 65 – солагии ғалаба аз болои Германияи фашистӣ ва 19- солагии Истиқлолияти Тоҷикистон бахшиданист. Дирӯз мавсуф ба деҳаи Шатск расид, сафараш ҷониби Душанбе аз тарафи  идораҳои сайру саёҳӣ дасгирӣ ва   назорат карда мешавад.