ДАРВОЗ СОҲИБИ КОҲИ ФАРҲАНГУ ВАРЗИШГОҲ МЕГАРДАД

Душанбе, 29 апрел. (АМИТ «Ховар» Лутфишо Додо).- Дар ноҳияи Дарвоз сохтмони яке аз иншоотҳои муҳиме, ки бояд то рӯзи ҷашни Ваҳдати миллӣ анҷом ёбад, бинои Коҳи фарҳанг мебошад. Дирексияи сохтмони иншоотҳои ҳукуматии назди дастгоҳи Президенти кишвар баробари дигар иншоотҳои ҷашнии вилоят маблағгузории онро низ ба уҳда дошта, ба хотири пешбурди корҳои сохтмонӣ 2 миллиону 200 ҳазор сомонӣ ҷудо намуд. Корҳои асосӣ аллакай сомон дода шудаанд. Қасри фарҳанг дорои 300 ҷойи нишаст буда, инчунин китобхонаи барҳавое низ дорад. Тавре аз Раёсати фарҳанги ноҳия хабар доданд,  кохи фарҳанг то рӯзи Ваҳдат мавриди истифодабарӣ қарор мегирад. Дар арафаи 13-умин солгарди таҷлил Рӯзи Ваҳдат дар маркази ноҳия инчунин толори варзишӣ барои 400 ҷойи нишаст ба истифодабарӣ дода мешавад. Дар ин ҷо баробари майдончаҳои волейболу баскетбол ҳавзи замонавии шиноварӣ низ ба истифодабарӣ дода мешавад.