ФУРӮШИ САҲМИЯҲОИ НБО «РОҒУН» ДАВОМ ДОРАД

Душанбе,  2 апрел. (АМИТ «Ховар», Покиза  Маҳмадбекова). —  Бонки  Эсхата  ва  кормандони он  дар  давоми  се  моҳи  гузашта  ба  маблағи  3  миллиону 227  ҳазору  800  сомонӣ  саҳмияҳои  Ҷамъияти  саҳҳомии  НБО «Роғун» — ро  хариданд. Бонк   инчунин  дар  ин  давра  ба  мизоҷони  худ  ба  маблағи  3  миллиону  286  ҳазору  100 сомонӣ  саҳмия  фурӯхт. Бояд  гуфт, ки  фурӯши  саҳмияҳои  НБО «Роғун»  дар  ҳамаи  13  филиал  ва  5   маркази  хизматрасонии  бонк   ба  роҳ  монда шудааст. Айни  ҳол  дар  саросари  мамлакат  зиёда  аз 90  бунгоҳи  интиқоли  пули  Бонки  Эсхата  фаъолият  дорад.