ХАТАРИ ПИЁДАГАРД ДАР РОҲ

Душанбе, 13 апрел. (АМИТ «Ховар», Жасмин Назарова). – 12 апрели соли равон ронандаи автомашинаи тамғаи «Део-Леганза» Раҷаб Ташрифов, соли таваллудаш 1961, истиқоматкунандаи гузаргоҳи Қаротегини пойтахт ҳангоми ҳаракат аз кӯчаи Мирзобек ба тарафи кӯчаи Айнии ноҳияи Шоҳмансур пиёдагард Нуралӣ Иброҳимов, соли таваллудаш 1941, нафақахӯрро зада аз пой меафтонад, ки аз гирифтани ҷароҳати ҷисмонӣ дар вақти ба беморхона бурдан ба ҳалокат мерасад. Нисбати ин далел парвандаи ҷиноӣ оғоз шуда, тафтишот идома дорад.