ХОРУҒ ДАР ҶОИ АВВАЛ

Душанбе, 2 апрел. (АМИТ «Ховар», Лаззат Диловарзод).- Бино ба гуфти раиси бахши бонки давлатии амонатгузории ҶТ «Амонатбонк» дар ВМКБ Азизшо Ғарибшоев,    хариди саҳмияҳои НОБ- и «»Роғун дар ин вилоят чӣ аз тарафи аҳолӣ ва чӣ аз тарафи корхонаю муассисаҳо хуб ташкил карда шудааст. Тавассути бахши бонки амонатгузории ҶТ «Амонатбонк»дар ҳудуди вилоят 7 млн. 756 ҳазору 300 сомонӣ саҳмия харидорӣ карда шудааст, ки  аз ин 2646100 сомонӣ дар шаҳри Хоруғ, 920 ҳазору 500 сомонӣ дар ноҳияи Дарвоз, 804300 сомонӣ дар ноҳияи Ванҷ, 266300 сомонӣ дар ноҳияи Мурғоб, 876100 сомонӣ дар ноҳияи Рӯшон, 723300 сомонӣ дар ноҳияи Ишкошим, 440900 сомонӣ дар ноҳияи Роштқалъа ва 178800 сомонӣ  дар ноҳияи Шуғнон харидорӣ гардидааст.