МОҲИХӮРИРО МАНЪ КАРДАНД

Душанбе, 15 апрел. (АМИТ «Ховар», Лаззат Диловарзод).- Бино ба иттилои мутахассисони корхонаи воҳиди давлатии «Моҳии Тоҷикистон», аз 1 – уми апрел то 15 — уми юни соли 2010 сайди моҳӣ дар дарёҳои Сир, Кофарниҳон, Вахш ва обанбори Қайроққум манъ карда шуд. Барои назорати ин қарор аз ҳисоби  кормандони умури дохила, ва экологҳо ситод таъсис дода шудааст. Дар назар аст, ки дар ин  мӯҳлат, ки  давраи тухммонии моҳиҳо ба ҳисоб меравад, аз тарафи кормандони Раёсати корҳои дохилии шаҳру вилоятҳо гурӯҳи фаврӣ барои пешгирии қӯруқшиканӣ таъсис дода мешавад. Боис ба ёдоварист, ки соли гузашта дар обанбори Қайроққум ва дарёи Сир беш аз 110 тонна моҳӣ сайд карда шуда буд. Дар дарёҳои Кофарниҳону Вахш бошад,  сайди моҳӣ тибқи дастури Академияи илмҳои кишоварзӣ гузаронида шуд.