МУЛОҚОТИ РОҲБАРОНИ ТАШКИЛОТҲОИ ДИНИИ ҶАҲОН ДАР БОКУ

Душанбе,  27 апрел. (АМИТ «Ховар», Лутфия  Эшонқулова). —  26 апрел   дар  пойтахти  Ҷумҳурии  Озарбойҷон  — шаҳри  Боку  мулоқоти роҳбарон  ва  намояндагони   созмонҳои  динии  ҷаҳон  кушода шуд.  Ҳайати  Тоҷикистон  дар  ин  мулоқот  таҳти роҳбарии  раиси  Шӯрои  уламои   маркази исломии  ҷумҳурӣ  Шайх Амонулло  Неъматзода  иштирок  дорад. Дар  мулоқот  инчунин  қариб  100 нафар  роҳбарони  созмонҳои  динии   Русия  ва  мамлакатҳои  ИДМ,  аз  ҷумла Усқуфи  аъзами  Маскав  ва  саросари  Русия Кирил, роҳбари  маънавии  мусулмонони   минтақаи  Қафқоз А.Пошшозода, кашиши  кулли  яҳудиёни  Русия Берл  Лазар, митрони Волоколамск  Илларион,  митрони  Кишинёв Владимир, митрони  Қрим Лазар, роҳбари рӯҳониёни  Қазоқистон Александр,  раисони  муфтиёти  Шимоли  Қафқоз, Қирғизистон ва  роҳбари  ибодатхонаи  анъанавии  буддопарастони  Русия Дамба  Аюшеев  ва  дигарон  ширкат  меварзанд.