НАРХИ СӮЗИШВОРӢ ДАР ҶУМҲУРӢ БОЗ БОЛО РАФТ

             Душанбе, 5 апрел. (АМИТ «Ховар», Лаззат Диловарзод).-  Охири моҳи март ва аввали моҳи апрели соли ҷорӣ нархи сӯзишворӣ дар ҳамаи нуқтаҳои фурӯш   боло рафт.             Айни замон як литр бензини навъи 92 се  сомонию  чил – се сомонию 50 дирам ба фурӯш бароварда мешавад. Ин дар ҳолатест, ки як ҳафта пештар он дар як қисм  нуқтаҳои фурӯш бо нархи 3 сомонву 10 3 сомониву 20 дирам  фурӯхта мешуд.             Бино ба гуфти сардори хизмати боркашонии «Роҳи оҳани Тоҷикистон» Гулчеҳра Маҳмудова, аз 23 – юм то 29 – уми марти соли ҷорӣ аз Ҷумҳурии Ӯзбекистон 119 қатора бо маҳсулоти сӯзишворӣ вориди Душанбе гардидааст, ки аз ин 57 қатора бо сӯзишвории реактивӣ, 30 қатора бензин ва 30 қатора сӯзишвории дизелӣ мебошанд.             Бино ба иттилои ҳамин манбаъ, боз 516 қатора бо сӯзишворӣ  ва 390 қатора бо гилхок барои «Корхонаи Алюминии Тоҷик» дар ҳудуди Ӯзбекистон нигоҳ дошта мешаванд. Дар муҳосира нигоҳ доштани сӯзишворӣ боиси суст шудани суръати  кишт дар як қатор ноҳияҳои ҷумҳурӣ гардидааст.