СОЗМОНҲОИ БАЙНАЛМИЛАЛӢ ВАЗЪИЯТИ ҚИРҒИЗИСТОНРО БА ЭЪТИДОЛ МЕОРАНД

Душанбе,  12 апрел. (АМИТ «Ховар»). —  Тибқи  паймони  қаблан бадастомада,  муовини  муншии  умумии  Созмони  аҳдномаи  амнияти  дастаҷамъӣ Валерий  Семериков,  намояндаи  махсуси   Муншии  умумии  СММ  дар  Қирғизистон Ян  Кубиш  ва   намояндаи  махсуси  Созмони  амнияту  ҳамкории  Аврупо, муовини  раиси  Маҷлиси  Ҷумҳурии  Қазоқистон  Жанибек  Қарибҷонов   дар  Бишкек  мулоқот  карданд. Зимни  мулоқот  роҷеъ ба   воқеаҳои  рӯзҳои охири  Қирғизистон  табодули назар  карда  шуд.  Иштирокчиёни  мулоқот  вазъияти  мамлакатро   ҳамаҷониба  муҳокима  намуда,  барои ба  эътидол  овардани он  таклифҳо  пешниҳод  намуданд. Намояндагони  созмонҳои  мӯътабари  байналмилалӣ  эътироф  намуданд, ки  бе   муттаҳид  сохтани  ҷидду  ҷаҳди  мамлакатҳо  ва  созмонҳои  байналмилалӣ  ва бо  ин роҳ  расонидани  кӯмак ба  Қирғизистон  бартараф  сохтани  бӯҳрони  дохилӣ  ва барқарор намудани ҳаёти  осоишта  имконнопазир  аст.