ВАЗИРОН АЗ ВИЛОЯТИ ХАТЛОН ДИДАН КАРДАНД

Душанбе, 9 апрел.(АМИТ «Ховар», Лутфия Эшонкулова).- Тибқи  маълумоти маркази матбуот ва иттилооти Вазорати кишоварзии ҷумҳурӣ ҳафтаи ҷорӣ гурӯҳи корӣ таҳти роҳбарии муовини сарвазири ҶТ Муродалӣ Алимардонов ба шаҳру ноҳияҳои вилояти Хатлон аз ҷумла ноҳияҳои Панҷ, Қумсангир, Вахш, Бохтар, Данғара, Фархор  сафар намуд. Дар ин сафар М. Алимардоновро, вазири кишоварзии Ҷумҳурии Тоҷикистон Қосим Қосимов, вазири меҳнат ва ҳифзи иҷтимоиии аҳолии ҶТ Маҳмадамин Маҳмадаминов ва дигарон ҳамроҳӣ намуданд. Гурӯҳи корӣ ҳангоми сафар бо сохторҳои кишоварзӣ, деҳқонону фермерҳо вохӯриҳо доир намуда, оид ба саривақт ва хушсифат ба анҷом расонидани кишту кори баҳорӣ, таъмини техника, нуриҳои минералӣ, вазъи иҷтимоӣ ва ҳалли мушкилиҳои ҷойдошта ба онҳо ёрии амалию методӣ расонид.  Бояд қайд кард, ки чунин гурӯҳҳои корӣ бо роҳбарии муовинони вазири кишоварзӣ таъсис дода шуда, дар минтақаҳои дираги ҷумҳурӣ-вилояти Суғд, ВМБК ва ноҳияҳои тобеи ҷумҳурӣ сафарбар карда шуданд.