ҶОМИ МЕҲР

Ҳисор, 27 май. (АМИТ «Ховар». Ҳотам Рабиев)- Китоби нави шоири шинохта, раиси бахши  ҳисории Иттифоқи нависандагони Тоҷикистон Ҳидоятуллоҳ Раҳмониро нашриёти «Истеъдод» бо номи «Ҷоми меҳр» бо теъдоди 500 нусха нашр намуд. Ин маҷмўа аз ғазалҳои самимии ихлосмандона бахшида ба шоири дўсташ Ҳоҷӣ Эгами Назруллоҳ (Волӣ), шеърҳои нав, рубоӣ, ҷуфтбайт ва дубайтиҳо иборат аст. Ҳ.Раҳмонӣ махсусан дар боби «Волинома», инчунин дар бобҳои дигар кўшиш ба харҷ медиҳад, ки хонандаи худро аз ҳар гуна андешаҳои манфӣ дур карда, ўро ба сўи ишқу муҳаббат, ватанхоҳиву инсондӯстӣ, одобу маърифат даъват намояд.