БАРРАСИИ МАСЪАЛАҲОИ ҚАБУЛИ ТОҶИКИСТОН БА СОЗМОНИ ҶАҲОНИИ ТИҶОРАТ
Душанбе, 28 май. (АМИТ «Ховар», Людмила Дубинина). — Муассисаи минтақавии озодии тиҷорат ва ислоҳоти гумрук пагоҳ, 28 май ҳамроҳи Иттиҳоди миллии тиҷорати хурду миёнаи Тоҷикистон ва созмони ҷамъиятии «Хома» мулоқоти журналистонро бо намояндагони ташкилоту идораҳои давлатие баргузор месозад, ки ба ҳаллу фасли масъалаҳои қабули Тоҷикистон ба узвияти Созмони ҷаҳонии тиҷорат машғул мебошанд. Мухбири АМИТ «Ховар» хабар медиҳад, ки ҳадафи мулоқот аз масъалаҳои марбут ба тартиб, шартҳо ва ҷараёни қабули мамлакат ба созмони мазкур огоҳ намудани кормандони воситаҳои ахбори оммавӣ мебошад. Инчунин ба журналистон дар бораи ҳадафу вазифаҳои асосӣ ва принсипҳои фаъолияти созмон маълумот дода мешавад. Ёдовар мешавем, ки Президенти Ҷумҳурии Тоҷикистон Эмомалӣ Раҳмон ҳанӯз соли 2001 барои қабули ҷумҳурӣ ба узвияти Созмони ҷаҳонии тиҷорат ариза дода буд. Созмони ҷаҳонии тиҷорат айни ҳол 153 давлати тараққикардаи саноатии ҷаҳонро муттаҳид месозад.
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
