КӮМАК БА ФАЛОКАТЗАДАГОН

Хоруғ,  12 май. (АМИТ «Ховар», Л.Додо). —  Мардуми  Вилояти  Мухтори  Кӯҳистони  Бадахшон  ба   аҳолии  аз  боришҳои тӯлонӣ  зарардидаи  минтақаи  Кӯлоб  дасти  ёрӣ  дароз  мекунад. Муовини раиси   вилоят  Аваз  Гиёев  ба  мухбири  АМИТ «Ховар»  хабар  дод, ки  масъалаи  расонидани  кӯмак ба  зарардидагон  дар  маҷлиси  мақомоти  иҷроияи  ҳокимияти  давлатӣ  мавриди баррасӣ  қарор  гирифт.  Ҳар  ноҳияи  вилоят  ният  дорад, ки  ба  зарардидагон то  ҳадди  имкон  кӯмак  расонад. Тибқи  қарори  қабулшуда  рӯзҳои  наздик ба   зарардидагон  ба  маблағи 100 ҳазор  сомонӣ  ва   миқдори  зиёди  масолеҳи  бинокории  истеҳсоли  корхонаҳои  маҳаллӣ  фиристода  мешавад.  Чунин  кӯмак  дар  оянда  низ ба  онҳо расонида  хоҳад  шуд,  гуфт  А.Гиёев.