РӮЗҲОИ ИДИ ҒАЛАБА ЧАНД РӮЗ ИСТИРОҲАТ МЕКУНЕМ?

Душанбе,  6 май. (АМИТ «Ховар»,  Кристина  Эрлих). – 9  май  дар Тоҷикистон  65 – солагии Ғалабаи бузурги  халқҳои  шӯравӣ  дар  Ҷанги  Бузурги  Ватании  солҳои  1941 – 1945  ботантана  ҷашн  гирифта  мешавад. Аз Федератсияи иттифоқҳои  касабаи  мустақили  Тоҷикистон  ба  мухбири  АМИТ «Ховар»  хабар  доданд, ки   8 май  ба рӯзи  шанбе  ва  9  май ба  рӯзи  якшанбе  рост   меоянд. Бинобар ин  мувофиқи  Қонуни  Ҷумҳурии  Тоҷикистон  «Дар  бораи  рӯзҳои  ид»  рӯзи  истироҳати 9  май  ба рӯзи 10  май гузаронида  мешавад. Ҳамин  тариқ, сокинони  Тоҷикистон рӯзҳои  иди  Ғалаба  8, 9  ва  10  май  истироҳат  мекунанд. Иди  Ғалаба  аз  соли  1945 сар  карда,  ҷашн  гирифта  мешавад. Бо  фармони  Раёсати  Шӯрои олии  ИҶШС  аз  8  майи  соли  1945   9 май  ба  хотири  бузургдошти ғалабаи   халқи  шӯравӣ  бар  фашизми  Олмон  дар   Ҷанги  Бузурги  Ватании  солҳои 1941 – 1945 иди  умумихалқӣ  эълон  карда шуд.  Бо  фармони  Раёсати   Шӯрои  Олии  ИҶШС   9  май  бори  аввал  дар  Иттиҳоди  Шӯравӣ  рӯзи  истироҳат  ва  аз  соли 1965  иди расмии  умумихалқӣ  эълон  гардид.