СУПОРИШИ ҚОСИМ ҚОСИМОВ

Душанбе, 4 июн.(АМИТ «Ховар», Лаззат Диловарзод).- Тибқи  маълумоти Маркази матбуоти Вазорати кишоварзии ҷумҳурӣ, бо супориши вазир Қосим Қосимов   баъди аз сел тоза кардани 410 гектар заминҳои минтақаи Кӯлоб   ба кишти пиёзи бехӣ, ҷуворимакка, каду, тарбузу харбуза оғоз карда шуд. Бо ин мақсад ба минтақаи  мазкур 11 тонна тухмии ҷуворимакка, каду, тарбуз, харбуза, бодиринг ва пиёз фиристода шудааст. Тибқи  маълумоти ҳамин манбаъ, даҳаи сеюми моҳи май ба ноҳияҳои Мӯъминобод, Балҷувон ва Ховалинг 154 тонна тухмии навъи «Невский-R -1», ки аз Федератсия Русия оварда шудааст, фиристонида шуд ва картошка пурра кишт гардид.