БОЗИҲОИ ВАРЗИШИИ АВРУОСИЁ БАЙНИ НАВРАСОН

Душанбе, 13 июл. (АМИТ «Ховар», Ибодат Давлатова). – Мутобиқи созишномаи иқтисодии Авруосиё аз 4 то 12 сентябри соли ҷорӣ дуюмин  бозиҳои варзишии Авруосиё байни наврасон баргузор мегардад, зикр намуд дар нишасти матбуотӣ раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Маликшо Неъматов. Бояд қайд намуд, ки   бозиҳои варзишӣ бахшида ба таҷлили 10 солагии Созишномаи иқтисодии Авруосиё баргузор хоҳад гардид. Тибқи Низомномаи  мусобиқаи мазкур  дар шаҳрҳои Душанбе, Қурғонтеппа, Хуҷанд ва Чкалов мусобиқаҳо аз рӯи 6 намуди варзиш  бо иштироки зиёда аз 510 варзишгар баргузор гардид. Айни замон, дастаи мунтахаби Ҷумҳурии Тоҷикистон бо теъдоди 113 нафар аз рӯи намудҳои варзиши сабук, бокс, дзюдо, шиноварӣ, гӯштини юнонӣ-румӣ, тенниси рӯи миз, гимнастикаи бадеӣ, волейбол ва футбол барои иштирок дар бозиҳои зикр гардида омода мебошанд. Инчунин бояд ёдовар шуд, ки  аз 10 то 26 августи соли ҷорӣ дар давлати Сингапур нахустин бозиҳои Олимпии наврасон баргузор мегарданд, ки дар он варзишгарони мамлакат иштирок хоҳанд кард.