МУСОБИҚАИ ВАРЗИШӢ ДАР КӮЛОБ

Кӯлоб, 1 июл. (АМИТ «Ховар», Сулаймон  Холов). — Дар  доираи  чорабиниҳо бахшида ба 13 — умин солгарди иди ваҳдати Миллӣ дар боғи марказии фарҳангу фароғатии шаҳри Кӯлоб бо ташаббуси Кумитаи ҷавонон, варзиш  ва сайёҳии  назди Ҳукумати ҶТ мусобиқаи ҷумҳуриявӣ оид ба карате — кёкушинкай байни наврасон баргузор гардид. Дар мусобиқа ҷавонону наврасон аз шаҳрҳои Душанбе, Қурғонтеппа, Кӯлоб, ноҳияҳои Ҳисор, Восеъ, Ҳамадонӣ, Фархор, Ҷалолиддини Румӣ ширкат варзида барои дарёфти ҷои аввал қувваозмоӣ намуданд. Ҳадаф аз гузаронидани ин чорабинии варзишӣ   дар байни ҷавонон тарғиб намудани карате,  муайян   кардани  узви  дастаи  мунтахаби  шаҳру  ноҳияҳо ва баланд  бардоштани  маҳорати  касбии варзишгарон мебошад. Дар охир ғолибон ва беҳтарин  варзишгарон, ки   дар  вазнҳои муайян ғолиб гардиданд бо тӯҳфаҳои  таъсиснамудаи  раиси  шаҳри  Кӯлоб Ҳамид  Абдуллоев ва Кумитаи ҷавонон, варзиш ва сайёҳии назди Ҳукумати  ҶТ қадр  гардиданд.