ОЛИМОНИ ТОҶИК БА КИШВАРИ АФСОНАВӢ МЕРАВАНД
Душанбе, 22 июл.(АМИТ «Ховар», Марзия Саидова).- Дар назар аст, ки моҳи октябри соли равон чор нафар аз шарқшиносони варзидаи тоҷик, ки дар бахши дастхатшиносӣ таҷрибаи бой доранд, ба Ҳиндустон мераванд. Онҳо дар муддати аз се то 6 моҳ дар пажӯҳишгоҳҳои ин кишвар ба омӯзиш ва пажӯҳиши дастхатҳои қадимаи форсӣ, осори адабии гузаштагони худ машғул мешаванд. Назар ба иттилои директори Институти шарқшиносӣ ва мероси хаттии Академияи илмҳои ҷумҳурӣ Кароматулло Олимов, сафари донишмандони тоҷик ба Ҳиндустон дар доираи тавсеаи ҳамкориҳои илмию фарҳангии Тоҷикистону Ҳиндустон ҷараён мегирад. Ҳамзамон, Кароматулло Олимов афзуд, ки алҳол Институти шарқшиносӣ ва мероси хаттии Академияи илмҳои ҷумҳурӣ бо пажӯҳишгоҳҳо ва марказҳои илмии кишварҳои Шарқ, ба мисли Афғонистону Эрон ва Покистон робитаи хуби ҳамкорӣ дорад. Ин аст, ки чанде пеш донишманди шинохтаи покистонӣ Орифи Навшоҳӣ китоби нави худро, ки ба рӯзгор ва осори нотакрори шоири шаҳири афғон Халилуллоҳи Халилӣ бахшидааст, дар Душанбе муаррифӣ намуд.
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
Имрӯз дар шаҳри Душанбе ҳаво то 28 дараҷа гарм мешавад
Дар Душанбе маркази муосири телефонҳои мобилӣ ва фурӯши чиптаҳои ҳавопаймоии «Real Phone» ифтитоҳ гардид
Мусобиқаи кӯдаконаи «МегаФон Life дар сабки футбол»: мавсими 2026 дар марҳилаи оғозёбӣ қарор дорад!
