ОБХЕЗИҲО ДАР ХАТЛОН
Душанбе, 9 август. (АМИТ «Ховар», Зебо Иноятова).- Аз дафтари матбуоти Кумитаи ҳолатҳои фавқулодда ба АМИТ «Ховар» хабар доданд, ки рӯзи 8 августи соли 2010, дар ноҳияи А. Ҷомии вилояти Хатлон сатҳи оби дарёи Вахш баланд шуд. Дар натиҷа қитъаҳои наздиҳавлигии 21 хоҷагии деҳаи Сари-ҷари ҷамоати деҳоти Яккатут зарар диданд. Аз он ҷумла, 5 гектар заминҳои кишти ғалладона хароб гаштааст. Айни ҳол дар ҷои ҳодиса комиссияи ҳолатҳои фавқулодда, Ситод оид ба ҳолатҳои фавқулодда ва мудофиаи гражданӣ, хадамоти мудофиаи граждании ноҳия бо сафарбар намудани нерӯҳои ғайриҳарбии мудофиаи гражданӣ фаъолият намуда, аҳолии зарардидаи деҳаи номбурдаро ба мавзеи бехатар кӯчонданд. Мувофиқи маълумоти Маркази обу ҳавосанҷии ҷумҳурӣ гармшавии ҳаво то 20-25- август идома меёбад. Бо супориши Раиси Кумита тамоми ситодҳои ҳолатҳои фавқулоддаи минтақавӣ ва хадамоти дахлдори ноҳияву вилоятҳо огоҳонида шуда, дар ҳолати омодабош қарор доранд.
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
