ҲАФТАИ ОЛМОН-2010 ДАР ТОҶИКИСТОН

Душанбе, 17 сентябр. (АМИТ «Ховар», Дилшодаи Ҷонмард).- Тавре аз бахши робита бо ҷомеаи Вазорати меҳнат ва ҳифзи иҷтимоии аҳолии Ҷумҳурии Тоҷикистон ба мухбири  АМИТ «Ховар» иттилоъ доданд,  бахши таълими калонсолони Раёсати ҳифзи иҷтимоӣ дар  якҷоягӣ бо сохторҳои дахлдори вазорат лоиҳаи «Барномаи рушди таълими калонсолон дар Ҷумҳурии Тоҷикистон барои солҳои 2011-2015»-ро таҳия намуда, бо вазорату идораҳои дахлдори ҷумҳурӣ ба мувофиқа расонид ва рӯзҳои наздик барои баррасӣ ба Ҳукумати ҶТ пешниҳод карда мешавад.             Аз 20 сентябри соли равон дар Ҷумҳурии Тоҷикистон бахшида ба муносибати таҷлили «Ҳафтаи Олмон-2010 дар Тоҷикистон» намоишгоҳ ташкил карда мешавад, ки кормандони вазорат ва сохторҳои таркибии он дар ҷараёни он иштирок меварзанд.