ҶОЙИ КОР БАРОИ 400 НАФАР ЗАН
Душанбе, 6 сентябр. (АМИТ «Ховар», Дилшодаи Ҷонмард).- Бо қарори Ҳукумати Ҷумҳурии Тоҷикистон ва ба муносибати ҷашни 19-умин солгарди Истиқлолияти Тоҷикистон дар шаҳри Норак дар базаи фабрикаи дӯзандагӣ фабрикаи муштараки «Бофандаи Норак» ба истифода дода мешавад. Муассисони корхонаи муштарак ҶДММ «Иттиҳодияи истеҳсолии нассоҷии тоҷик» ва ҶСК «Бунафш» мебошанд. Аз тарафи ҶДММ «Иттиҳодияи истеҳсолии нассоҷии тоҷик» 1 миллиону 670 ҳазор сомонӣ маблағ барои дастгоҳҳои технологӣ ва барои таъмири биноҳои истеҳсолӣ ва васлу ба кор омода намудани дастгоҳҳои технологӣ 2,5 миллион сомонӣ маблағ масраф шудааст. Аз тарафи фабрикаи дӯзандагии «Бофандаи Норак» бошад, 1миллиону 113 ҳазор сомонӣ маблағ сарф шудааст. Бояд гуфт, ки «Бофандаи Норак» аз коргоҳҳои ресандагӣ, бофандагӣ ва дӯзандагӣ иборат аст. Ҳамчунин, дар ин фабрика коркарди пурраи нахи пахта ба роҳ монда шудааст. Дар ҳолати дар се баст кор кардани фабрика 400 нафар занон бо кори доимӣ таъмин карда мешаванд. Ёдовар мешавем, ки дар фабрикаи «Бофандаи Норак» дар як сол зиёда аз 1200 тонна нахи пахта коркард мешавад.
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
Имрӯз дар водиҳои Тоҷикистон чангу ғубор ба амал меояд
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
