700 ҶОЙИ КОРӢ ДАР АРАФАИ ИСТИҚЛОЛИЯТ

Кӯлоб, 8 сентябр. (АМИТ «Ховар», Сулаймон Холов). -Дар арафаи истиқбол аз 19-умин солгарди Истиқлолияти Ҷумҳурии Тоҷикистон дар маркази шаҳри Кӯлоб боз як Маркази савдои замонавӣ мавриди истифода қарор дода шуд. Дар ин маркази савдо, ки «Сахӣ» номгузорӣ  шудааст, 270 нуқтаи савдо, ошхона, нуқтаҳои хизматрасонӣ фаъолият мекунанд, ки беш аз 700 нафар шаҳрвандон бо ҷойи кори доимӣ таъмин мегарданд. Дар бозори мазкур маҳсулоти хӯрокворӣ, меваю сабзавот, қисмҳои эхтиётии автомобилҳо ва дигар ашёи ниёзи мардум ба фурӯш бароварда мешавад.