БӮРЁКӮБОН ДАР МАҲАЛЛАИ ЗАРАФШОН

Душанбе, 2 сентябр.(АМИТ «Ховар», Марзия Саидова).-Имрӯз дар остонаи ҷашни 19-умин солгарди Истиқлолияти давлатии Ҷумҳурии Тоҷикистон дар маҳаллаи Зарафшони пойтахт як бинои истиқоматии 9-ошёна ба истифода дода шуд. Тибқи иттилои котиби матбуотии Раиси шаҳри Душанбе Шавкат Саидов, корҳои сохтмонию васлкунӣ дар ин бино аз ҷониби  пудратчии асосии  иншооти мазкур Корхонаи масъулияташ маҳдуди «Пойтахт»  аз моҳи июни соли 2009 оғоз  гардида,  моҳи августи соли 2010 ба анҷом расонид.         Бинои истиқоматӣ  дорои 108 ҳуҷра буда, миқдори хонаҳои  як ҳуҷрадор, дуҳуҷрадор ва сеҳуҷрадори он  36 ададӣ мебошанд. Масоҳати умумии бино 8112 м2 буда, фармоишгари  он Раёсати  асосии шаҳри Душанбе аст. Сохтмони бинои истиқоматии 9 ошёна аз ҳисоби буҷети шаҳри Душанбе маблағгузорӣ гардидааст