НАМУНАҲОИ МАВОДИ МУХАДДИР ДАР МИНСК

Маскав, 21 сентябр. (АМИТ «Ховар», Ҳалима Хушқадамова). — 21 ва 22 сентябр дар Кумитаи иҷроияи ИДМ дар Минск ҷаласаи гурӯҳи коршиносон оид ба мувофиқаи лоиҳаи Созишнома дар бораи тартиби мубодилаи намудҳои маводи мухаддир ва воситаҳои асаборомкунанда корашро идома медиҳад. Тавре мушовири маркази матбуоти Кумитаи иҷроияи ИДМ дар Минск Мария Гусало  ба хабарнигори махсуси АМИТ «Ховар» иттилоъ дод, тибқи лоиҳаи Созишнома дар назар дошта шудааст, ки давлатҳо ба воситаи мақомоти салоҳиятдори худ метавонанд намунаҳои маводи мухаддир ва воситаҳои асаборомкунандаеро, ки зимни гузаронидани чорабиниҳои фаврӣ-ҷустуҷӯӣ, амалиёти тафтишотӣ, инчунин, бо дигар роҳ ба даст омадаанд, барои тадқиқоти коршиносӣ-криминалӣ истифода намоянд. Вазъияти амалисозии мубодилаи мазкур, ҳамчунин, тартиби додугирифти намунаҳо чун ҳуҷҷат ба ҳисоб меравад. Тибқи нақша пас аз гирифтани ризоияти иштирокдорон, лоиҳаи мазкур ба Шӯрои сарони давлатҳои ИДМ пешниҳод мегардад.