«ТОҶИКСТАНДАРТ» УЗВИ ISO ГАРДИД
Душанбе, 15 сентябр.(АМИТ «Ховар», Марзия Саидова).-Агентии «Тоҷикстандарт» дар ҷаласаи навбатии Ассамблеяи генералии Созмони байналмилалӣ доир ба стандартизатсия (ISO) узви ин созмони мӯътабар гардид. Ҷаласаи созмони мазкур дар пойтахти Норвегия шаҳри Осло баргузор гардида, дар он аз Ҷумҳурии Тоҷикистон муовини директори Агентии «Тоҷикстандарт» Бахтиёр Шукуров иштирок кард. Дар ҷаласа дар ҳузури 350 нафар намояндагони кишварҳои гуногуни ҷаҳон, таҳти чапакзании бардавом Ҷумҳурии Тоҷикистон ба узвияти ин созмони бонуфузи байналмилалӣ пазируфта шуд. Аз ин рӯ, Агентии «Тоҷикстандарт» имкон дорад, ки бисёр масъалаҳои марбути соҳаро дар сатҳи байналмилалӣ озодона ҳаллу фасл намояд. Шомил шудани Агентии «Тоҷикстандарт» ба ISO шаҳодати некест аз дастовардҳои даврони соҳибихтиёрии Тоҷикистон. Ба андешаи сардори маркази матбуоти Агентии «Тоҷикстандарт» Мирзовалӣ Абдуллозода, шомил шудани Ҷумҳурии Тоҷикистон ба ISO заминаи мусоидеро баҳри пазируфта шудани Ҷумҳурии Тоҷикистон ба Созмони Ҷаҳонии Савдо фароҳам меорад.
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
Имрӯз дар водиҳои Тоҷикистон чангу ғубор ба амал меояд
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
