КОНФРОНСИ ИЛМӢ — АМАЛӢ ДАР ДУШАНБЕ

Душанбе, 4 октябр. (АМИТ «Ховар», Лаззат Диловарзод).- Бино ба маълумоти корманди ташкилоти кӯмакрасони ғайридавлатии «СПИД Фонд Восток- Запад»-и Голландия Дилшод Пӯлодов, 6-7 –уми октябри соли ҷорӣ дар шаҳри Душанбе Конфронси 2- юми илмӣ — амалии Осиёи Марказӣ оид ба ВИЧ/сил дар мавзӯи «Роҳ барои дастрасии ҳаматарафа» доир мегардад. Дар кори Конфронс ширкати беш аз 100 намояндаи хизмати давлатии тандурустӣ, муассисаҳои таълимӣ, соҳаи  муассисаҳои ислоҳоти ҷиноятӣ ва аъзои гурӯҳи корӣ оид ба мавзӯи ВИЧ/сил аз давлатҳои Осиёи Марказӣ, ташкилоти байналмилалӣ ва ҷамъиятӣ, ки  барномаҳоеро дар соҳаи ВИЧ/сил роҳандозӣ кардаанд, ширкат меварзанд.    Ба гуфти ҳамин манбаъ, иштирокдорони Конфронс вазъи эпидемиявиро дар соҳаи ВИЧ/сил дар Осиёи Марказӣ ба миён мегузоранд.    Дар рафти Конфронс тадбирҳои пешгирии ин беморӣ, табобат, парастории бемор ва нақши ташкилоти ғайридавлатӣ ва кӯмакрасон дар паст кардани бактерияҳои сил мавриди баҳс қарор мегиранд.