НӮҲ МОҲИ БОБАРОРИ ФАЙЗОБОД

           Файзобод, 29 октябр. (АМИТ «Ховар», Зебо Давлатова).-Тавре сардори раёсати кишоварзии ноҳияи Файзобод Ҳукуматулло  Қодиров ба хабарнигори АМИТ «Ховар» хабар дод,  дар нӯҳ моҳи соли ҷорӣ хоҷагиҳои деҳқонӣ ва ҷамоатҳои ноҳияи Файзобод дар масоҳати умумии 3468 гектар   зироати ғалладонагӣ, дар  423 гектар зироатҳои техникӣ,  дар 78 гектар картошка ва дар 132 гектар сабзавот  парвариш намуданд.               Ҳукуматулло Қодиров афзуд, ки  ба душвориҳои мавҷуда нигоҳ накарда, кишоварзони ноҳия соли ҷорӣ  4350 тонна картошка, 5529 тонна  сабзавот, 61 тонна зироатҳои полезӣ, 552 тонна мева, 75 тонна ангур истеҳсол намуда, барои  зимистонгузаронии чорво 17337 тонна хӯроки дурушт, аз  ҷумла 2570 тонна тарбеда, 11000 тонна алaф ва 3766 тонна коҳ захира намудаанд.             Дар ноҳияи Файзобод соли ҷорӣ  мувофиқи нақша дар   500 гектар боғҳои нави замонавӣ ва дар  110 гектар токзор бунёд мегардад. Деҳқонони ноҳия соли ҷорӣ     242 гектар боғи кӯҳна  ва 35 гектар токзорро  барқарор намуданд.              Хоҷагидорони ноҳия дар 9 моҳи соли ҷорӣ  582 тонна гӯшт, 5452 тонна шир, 34, 3 тонна пашм, 54108 ҳазор дона тухм, 43,3 тонна асал ва  2, 5 тонна пилла истеҳсол карданд, ки нисбат ба  ҳамин давраи соли гузашта    зиёд аст,- афзуд дар охири сӯҳбат Ҳукуматулло Қодиров.