ДАСТУР БАРОИ СОҲИБКОРОН

Душанбе, 17 ноябр. (АМИТ «Ховар», Бекназари Абӯбакр). — Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон бахшида ба Соли маориф ва фарҳанги техникӣ ва ба ифтихори 80 – солагии «Тоҷикстандарт» китоберо бо номи «Риояи меъёрҳои савдо дар бозор ва дӯкону мағозаҳо», бо теъдоди 2500 нусха аз чоп баровард. Ин рисола чанде аз масъалаҳои бозору бозордорӣ, тиҷорат, тартибу низом, одобу ахлоқ, адлу инсоф ва амсоли инҳоро дар бар мегирад. Ҳамзамон дар рисолаи мазкур мӯҳтавои Стандарти Ҷумҳурии Тоҷикистон (СТ ҶТ 1066 – 2005, СТ ҶТ 1037 — 2001) «Хизматрасонӣ дар бозорҳо» ва «Хизматрасонии савдои чакана», бо назардошти иҷроиши меъёрҳои қонунҳои амалкунандаи соҳа, ки аз тарафи Агентии «Тоҷикстандарт» таҳия ва тасдиқ гашта, ҷойгир шудааст. Асар дастури муфид барои тоҷирон, соҳибкорон, истеҳсолкунандагон, истеъмолкунандагон ва дигар хизматгузориҳои соҳа мебошад.