ГӮШТУ ШИР ЗИЁД , НАРХ ҲАМОНО ҚИМАТ

Душанбе, 25 ноябр. (АМИТ «Ховар», Лаззат Диловарзод).- Тибқи маълумоти фаврии Раёсати чорводорӣ, дар моҳҳои январ – октябри соли 2010 ҳаҷми истеҳсоли гӯшт  дар ҳамаи сохторҳои хоҷагӣ 103 ҳазору 981 тоннаро ташкил дод, ки нисбат ба ҳамин давраи соли 2009 6, 3 фоиз зиёд аст. Истеҳсоли гӯштро хоҷагиҳои деҳқонию фермерии ВМКБ 18, 8 фоиз, вилояти Хатлон  8,4, вилояти Суғд  3, ноҳияҳои Ҳисор  18,5, Шаҳринав 10,4, Нуробод  5,1, Роғун  3,2, Тавилдара  2,9, Турсунзода  2,4 ва Ваҳдат 2,2 фоиз зиёд намуданд.    Ҳаҷми умумии истеҳсоли шир дар ҳамин муддат 504 ҳазору 341 тоннаро ташкил намуд, ки нисбат ба ҳамин давраи соли 2009 3,6 фоиз зиёд аст.     Дар  давоми даҳ моҳи соли ҷорӣ истеҳсоли шир дар хоҷагиҳои деҳқонии ВМКБ 6,8 фоиз, дар вилояти Хатлон  6,6, ноҳияҳои Варзоб   9,6, Ҳисор 8,3, Ваҳдат  3,9, Нуробод  3,3, Роғун  2 ва Рашт 1,3 фоиз афзуда бошад ҳам,  нархи он дар бозори истеъмолӣ чун пештара хеле  қимат  боқӣ мондааст.