ИҶРОИ НАҚШАИ ИСТЕҲСОЛИ КАРТОШКА

   Душанбе, 17 ноябр. (АМИТ «Ховар», Лаззат Диловарзод).- Тибқи маълумоти фаврии  Раёсати растанипарварии Вазорати кишоварзӣ, дар вилояти Суғд аз майдони умумии кишти картошка (5449 га)  4 ҳазору 500 га  картошка ҷамъоварӣ шудааст, ки    нисбат ба соли 2009 500 га зиёд аст.    Тибқи дурнамои хоҷагиҳои картошкапарварии вилоят,  соли 2010 истеҳсоли картошка бояд  ба 98 ҳазору 745 тонна расонида шавад. Картошкапарварон аллакай 102 ҳазору 213 тонна картошка ҷамъоварӣ намудаанд, ки баробари 104 фоизи нақшаи солона мебошад.    Ба иттилои ҳамин манбаъ, картошкапарварон ҳосили картошкаро аз ҳар гектар ба 227,6 сентнерӣ расониданд, ки ин нишондиҳандаи беҳтарин миёни ҳама картошкапарварон дониста шудааст. Дар ин рӯзҳо  ҳосили охирин гектарҳои картошка ҷамъоварӣ мешавад.