МОЛҲОИ ФОРСУ ХУРОСОН ДАР ДУШАНБЕ

     Душанбе, 13 ноябр.(АМИТ «Ховар», Марзия Саидова).- Имрӯз дар «Кохи Борбад»-и пойтахт намоишгоҳи миллии Ҷумҳурии Исломии Эрон оғоз гардид. Дар маросими ифтитоҳи он роҳбарону намояндагони мақомоти тиҷоратию иқтисодии Тоҷикистону Эрон иштирок карданд.      Муҳаммад Умронӣ мудири ширкати баргузории намоишгоҳҳои Эрон — «Сурӯши Хуросон» дар мусоҳиба ба хабарнигори  АМИТ «Ховар» гуфт, ки дар намоишгоҳ 75 ширкати саноатӣ аз  устонҳои Теҳрон, Хуросон, Форс, Исфаҳон, Хузистон ва Гулистон ширкат дошта, маҳсулоти гуногуни истеҳсолнамудаи худро ба намоишгоҳ гузоштаанд.       Мавсуф афзуд, ки ҳадаф аз баргузории намоишгоҳ тавсеаи ҳамкориҳои иқтисодию тиҷоратӣ байни Тоҷикистону Эрон мебошад. Ҳамзамон, он дар муаррифии молу маҳсулоти саноатии ширкатҳои эронӣ дар Тоҷикистон,  ба роҳ мондани ҳамкориҳои тиҷоратӣ  ва дар дар заминаи он ташкили корхонаҳои  муштарак саҳми муносиб мегузорад.          Намоишгоҳ то 17 ноябр идома меёбад.