НУРҲОИ ЛАЗЕРӢ ДАР ЧОРВОДОРӢ

Душанбе, 18 ноябр. (АМИТ «Ховар», Лаззат Диловарзод).- Пажӯҳишгоҳи чорводории Академияи илмҳои кишоварзии  ҶТ тавассути истифодаи спектрҳои инфрасурх ва нурҳои лазерӣ ба дастовардҳои навтарин дар соҳаи чорводорӣ муваффақ шуд,-иброз дошт саркотиби Академияи илмҳои кишоварзӣ Давлатҷон Комилзода ба мухбири АМИТ «Ховар».    Ба иттилои манбаъ, дар асоси истифодаи спектрҳои инфрасурх услуби махсуси баҳодиҳии сифати нутфаҳои чорво таҳия шуда, аз рӯи натиҷаҳои ба даст омада   барои  гирифтани патент дархост пешниҳод   шудааст.    Бори аввал тадқиқот  ҷиҳати омӯхтани усулҳои зиёд гардонидани фаъолиятнокии нутфа  ва ҷанини чорво бо истифодаи нурҳои лазерӣ оғоз ёфт. Ҳамчунин истифодаи нурҳои пастшиддати лазерӣ дар коркарди тухмии зироати хӯроки чорво – ҷуворимакка  бо вояҳои гуногун мавриди омӯзиш қарор  гирифтааст.