ҶАРИМА БАРОИ ҲИФЗ НАКАРДАНИ МУҲИТИ ЗИСТ

Бадахшон, 6 декабр.(АМИТ «Ховар», Л. Додо).-Ба  хотири  дар  ҳолати  хуби экологӣ  нигоҳ  доштани  обанборҳо,  дарёҳои  кӯҳӣ, чӯйбору  чашмаҳо ва ҳифзи муҳити атроф мутахассисони  Раёсати  ҳифзи  муҳити  зисти  ВМКБ  дар  якҷоягӣ  бо  кормандони Маркази  ташаккули  тарзи  ҳаёти  солим пайваста санҷиш  мегузаронанд. Тавре  муовини  сардори  Раёсати  ҳифзи  муҳити  зисти  вилоят  Фарҳод  Маҳмадназарбеков  иттилоъ  дод,   пас аз гузаронидани   санҷиш  18  идораю  муассиса ва  корхона  мавриди  тафтиш қарор   гирифта,  ба  20  нафар  роҳбарон   барои   ҳифз накардани муҳити зист ва    об амрномаю  супориш дода шуд.  Ба  идораи хоҷагии  об  ва  ташноби  шаҳри  Хоруғ  низ барои  иҷро  накардани  талаботи  Қонуни  ҳифзи  табиати Ҷумҳурии  Тоҷикистон     амрнома  ва  супориши  қатъй  дода шуда,    аз  хоҷагии  номбурда  ба  маблағи 525  сомонӣ  ҷарима  ситонида  шуд.