БАРРАСИИ РОҲҲОИ РУШДИ СОҲАИ НАССОҶӢ ВА ДӮЗАНДАГӢ

        Душанбе, 6 декабр.(АМИТ «Ховар», Марзия Саидова).-Раванди иҷрои марҳилаи саввуми Барномаи «Пешбурди тиҷорат дар Тоҷикистон» фардо, 7-уми декабр, дар нишасти Кумитаи назоратии лоиҳа дар шаҳри Душанбе баррасӣ мегардад.           Барномаи «Пешбурди тиҷорат дар Тоҷикистон» ҷиҳати мусоидат ба рушди соҳаи нассоҷӣ ва дӯзандагии Тоҷикистон ва  беҳтар намудани зерсохтори идораи сифат дар ҷумҳурӣ таҳия шудааст. Ин лоиҳа аз ҷониби Маркази байналмилалии тиҷорат (МБТ) амалӣ ва аз ҷониби идораи давлатии Швейтсария дар умури иқтисод (СЕКО) маблағгузорӣ шуда, иҷрои марҳилаи саввуми он дар моҳи сентябри соли 2009 оғоз ёфтааст.       Кумитаи назоратии лоиҳа бо мақсади кӯмак дар фаъолияти лоиҳа, шаффофият дар кори амалигардонии он ва замонати посухгӯ будани натиҷааш ба афзалиятҳои кишвар ташкил шудааст. Дар назар аст, ки намояндаи СЕКО Анна Швартс доир ба  роҳҳои рушди соҳаи нассоҷӣ ва дӯзандагӣ дар Тоҷикистон гузориш медиҳад.       Ҳадафи умумии Барномаи «Пешбурди тиҷорат дар Тоҷикистон» дастгирӣ намудани рушди устувор содироти маҳсулоти рақобатпазири саноатӣ,  хусусан, нассоҷӣ ва дӯзандагӣ мебошад.10.20.